ایک رات جو اندھیری تھی، ایک چاند جو پورا تھا، نیند بھرا ایک بستر تھا۔ایک حرکت جو تیز تھی، ایک وجود جو ساکن کھڑا تھا، ایک جگہ جو کہ بھری ہوئی تھی، پھر وہاں کچھ نہیں تھا۔ ایک آدمی دروازے پر آیا اور پوچھا۔ ’’ کیا بچے ابھی تیار ہیں؟ کیا وہ اپنی ماں کے نام سے جانے جائیں گے؟ مجھے لگتا ہے کہ آپ بھول گئی ہیں کہ  اگلے پیر کو میری سالگرہ ہے؟ کیا آپ مجھے ہسپتال میں ملنے آئیں گی۔‘‘  میں کھڑی ہوئی  اور بیٹھ گئی اور پھر کھڑی ہو گئی۔ گھڑی سست ہو گئی۔ ڈاک دیر سے آئی۔ سہ پہر کو ٹھنڈبڑھ گئی۔ بلی نے اس کے کوٹ کو چاٹا،کرسی کو ٹکڑے ٹکڑے کر دیا اور دراز میں سو گئی جو بند نہیں ہوتا تھا۔

میں ایک کمرے میں گئی تو مجھے اپنی جلد میں کپکپی محسوس ہوئی اور پھر وہ تحلیل ہو گئی۔میں نے موم بتی جلائی اور کسی چیز کو حرکت کرتے دیکھا۔مجھے پتا چلا کہ وہ سایہ میرا اپنے ہی ہاتھ کا ہو سکتا ہے۔ میں نے اپنے آپ کو ایک چیز کے طور پر محسوس کیا۔ ہوا تند تھی،  گھر ہلنے لگا، مچ گئی،  پھول دار پودے پھلنے پھولنے لگے ہیں۔ ممالیہ جیسے رینگنے والے جانور ختم ہو گئے۔ (کیا جنت اوپر ہے؟ کیا جہنم نیچے ہے؟ کیا میمنا  اب بھی مسکین ہے؟  کیا شیر دھاڑتا ہے؟ کیا ندیاں شفاف بہہ رہی ہیں؟  کیا ہم بعد میں ایک دوسرے کو گہرا بوسہ دیں گے؟)جزیرہ نما میں اب بھی کچھ قدیم بحری جہاز لنگر انداز ہیں، کھیت میں بیل ساکت کھڑا ہے،  گاؤں میں تیندوا اپنے شکار کا تعاقب کرتا ہے۔

مکان اونچا، ڈھانچہ مضبوط ہونے،  زینہ خم دار بنانے والا ، اورکمرے میں کبھی کبھار روشنی  لانے والی ہے۔  ہَیٹ اپنے سٹینڈ پر ٹنگے رہتے ہیں، کوٹ کھونٹیوں سے مردہ  لٹکتے رہتے ہیں۔ سنبل ایسے لگتے ہیں جیسے وہ کھلیں گے، میں جانتی ہوں ان کی خوشبو زبردست ہوگی۔ زمین اپنے محور پر گھومتی ہے، محور نہایت خیالی ہے۔ وادیاں پہاڑوں سے ملتی ہیں  اورپہاڑ سمندر سے، سمندر دھرتی سے،  اور دھرتی سانپ سے مماثلت رکھتی جس کے اعضاء اب گھٹا دیے گئے ہیں۔ میں نے چادر میں لپٹے ہوئے ایک آدمی دیکھا۔میں ایک کشتی میں بیٹھی تھی،اس نے مجھے دیکھ کر پیار بھری سیٹی بجائی۔ میں نے اپنی آنکھیں سکیڑیں،  اس نے مجھے  اپنے پاس بلانے کا اشارہ کیا۔ میں مڑی اور دور چلی گئی  گویا مجھے پتا ہی نہ ہو کہ میں کیا کر رہی ہوں۔

۰۰۰