نظم: ڈالیا کے پھول میں…… تریتھا شریستھا

تریتھا شریستھا کی تحریروں/انٹرویو وغیرہ کے تراجم کی تمام پوسٹوں کے لیے یہاں کلک کریں۔

منیر فیاض کے تراجم کی تمام پوسٹوں کے لیے یہاں کلک کریں۔

نیپالی نظم

ڈالیا کے پھول، مَیں تیرا نام بدلنا چاہتی ہوں

تریتھا شریستھا

(Tritha Shrestha)

ترجمہ:منیر فیاض

پلاسٹک کا نہ ہونے کے باوجود، بے باس

اے ڈالیا[1] کے پھول!

اس لمحے جب کہ مجھے جنگ میں مارا ہوا اپنا شوہر یاد آرہا ہے

میرے لیے ایسے خط کا تصور کرنا بھی محال ہے

جس کے کونے پر دھاگا[2] بندھا ہو

اور میرے شوہر کی زندگی کی کُل کمائی—

میت کی باس دیتی ہوئی پنشن

جس پر میری زندگی کا بہت انحصار ہے

اس سائبان کے دروازے کی طرف منہ اٹھا کے

جہاں میرے جیسی ایک غریب بیوہ رہتی ہے

تم کس بے شرمی سے کھِل رہے ہو

اے ڈالیا کے پھول!

پرانے زخم مت چھیڑو

زخموں پر نمک نہ چھڑکو

میری ساری زندگی بہت عرصہ زخم جیسی رہی

بہت عرصہ درد رہا

مجھے مختصر سی تفریح چاہئے، اے ڈالیا کے پھول!

زخموں کی تہیں پھرولتے ہوئے

مَیں معاہدے[3] کی تاریخ بدل دینا چاہتی ہوں

اپنے زخموں پر مرہم رکھتے ہوئے

مَیں یہ خونیں تجارت روکنا چاہتی ہوں

تاریخ کا یہ سیاہ ورق پھاڑ کے پھینک دینا چاہتی ہوں

ٹھہرو، اے ڈالیا کے پھول!

مَیں تمھارا نام تبدیل کرنا چاہتی ہوں۔

:::

[1] ڈالیا یہاں ذو معنی ہے۔ ایک پھول کے اور دوسرا وہ نیپالی فوجی جو دوسرے ممالک کی فوج میں ہیں۔

[2] خط کے لفافے کے کونے میں دھاگا بندھا ہونا پردیس میں کسی کی موت کی اطلاع کی نشانی ہوتا تھا۔

[3] ۱۸۱۶ء کا معاہدہ سوگائولی اور ایسے دیگر معاہدے جن کے تحت غیر ملکی افاج نیپالیوں کی جبری بھرتی کا اختیار رکھتے تھے۔

براہِ کرم فیس بک (Face Book)، انسٹاگرام (Instagram)، اور ٹویٹر (Twitter) کے سوشل میڈیا نیٹ ورکس پر— اوپر دیے گئے متعلقہ نشان (آئیکن) پر کلک کر کے — ہمارے نقشِ پا دیکھیے اور Follow کیجیے تاکہ آپ جانچ سکیں کہ ہم کس طرح اردو زبان کی ترقی و ترویج کی خاطر تراجم کے واسطے سے اس کے فروغ اور آپ کی زبان میں ہونے والے عالمی ادب کے شہ پاروں کے تراجم کی رسائی دنیا بھر میں کرنے کی سعی کر رہے ہیں ۔ ہم آپ سے ملتمس ہیں کہ آپ بھی اپنے طور پر انھیں دنیا کے ساتھ بانٹ کر (شیئر کر کے) ہماری ان کاوشوں میں اپنا حصہ ڈالیں ۔ نیز آپ کے ساتھ ساتھ معزز قارئین سے یہ بھی ملتمس ہیں کہ سائٹ پر شائع ہونے والے ہر ترجمے کے آخر میں دیے گئے تبصرے کے خانے (کمینٹس سیکشن) میں اپنی آراء کا کھل کر اظہار کر کے مترجمین کی حوصلہ افزائی و پذیرائی بھی کریں کیوں کہ وہ تلاشِ بسیار سے آپ کے لیے خوب سے خوب تر کا انتخاب کرتے ہیں اور پھر انتہائی محنت، لگن اور دل جمعی سے دنیا بھر کا بہترین ادب، آپ کو آپ کی اپنی زبان میں پڑھنے کے لیے، عمدہ تراجم کے وسیلے سے فراہم کرتے ہیں۔ ہم آپ کی آراء کو خوش آمدید کہتے ہوئے آپ کے ممنون ہوں گے۔