جرمن افسانچہ
خادمہ
رابرٹ والزر
(Robert Walser)
تعارف و ترجمہ: نجم الدّین احمد
ایک دولت مند خاتون کے پاس ایک خادمہ تھی۔ اُس خادمہ کے ذمے اُس کی بچّی کی نگہداشت تھی۔ بچّی چاند کی کرن کی طرح نرم و نازک، تازہ تازہ گری ہوئی برف کے مانند خالص اور سورج جیسی پیاری تھی۔ خادمہ بچّی سے اُتنا ہی پیار کرتی تھی جتنا وہ چاند، سورج اور اپنے خدا سے کرتی تھی۔ لیکن ایک روز بچّی کہیں کھو گئی۔ کوئی نہیں جانتا تھا کہ کیسے۔ خادمہ اُس کی تلاش میں نکلی اُس نے اُسے دنیا میں ہر جگہ ڈھونڈا، ہر شہرہر ملک میں تلاش کِیا۔ حتّٰی کہ وہ فارس پہنچ گئی۔ خادمہ ایک رات پرشیا میں ایک بڑے سیاہ دریار کے کنارے کھڑے ایک بڑے سیاہ ٹاور کے پاس پہنچی۔ ٹاور کے اوپر بہت بلندی پر ایک سرخ روشنی تھی۔ پُرعقیدہ خادمہ نے اُس روشنی سے پوچھا: ’’کیا تم بتا سکتی ہو کہ میری بچّی کہاں ہے؟ وہ دس سال پہلے گم ہو گئی تھی اور مَیں اُسے تلاش کرتی پھر رہی ہوں۔‘‘ ’’اگلے دس برس اَور اُسے ڈھونڈتی رہو۔‘‘ روشنی نے جواب دیا اور غائب ہو گئی۔ لہٰذا خادمہ دس برس اَور بچّی کو روئے ارض کے تمام حصوں اور راستوں پر ڈھونڈتی پھری۔ حتّٰی کہ وہ فرانس جا نکلی۔ فرانس میں ایک عظیم اور پُرشکوہ شہر ہے، جس کا نام پیرس ہے۔ وہ اُس شہر میں پہنچ گئی۔ ایک شام وہ ایک خوبصورت باغ کی داخلہ گاہ پر کھڑی اپنی بچّی کے نہ ملنے پر رو رہی تھی۔ اُس نے اپنی آنکھیں پونچھنے کے لیے سرخ رومال نکالا کہ اُسی وقت اچانک باغ کا دروازہ کھلا اور اُس میں سے اُس کی بچّی باہر آئی۔ اُس نے اُسے دیکھا اور خوشی سے مر گئی۔ وہ کیوں مری؟ کیا اُسے اِس کا کوئی فائدہ ہوا؟ چوں کہ وہ اب بہت بوڑھی ہو گئی تھی اور اِتنی زیادہ خوشی برداشت نہیں کر پائی۔ بچّی اب جوان اور خوبصورت خاتون بن چکی ہے۔ اگر آپ کی اُس سے ملاقات ہو تو میرا سلام کہیے گا۔
:::
جرمن افسانچہ
خادمہ
رابرٹ والزر
(Robert Walser)
تعارف و ترجمہ:نجم الدّین احمد
ایک دولت مند خاتون کے پاس ایک خادمہ تھی۔ اُس خادمہ کے ذمے اُس کی بچّی کی نگہداشت تھی۔ بچّی چاند کی کرن کی طرح نرم و نازک، تازہ تازہ گری ہوئی برف کے مانند خالص اور سورج جیسی پیاری تھی۔ خادمہ بچّی سے اُتنا ہی پیار کرتی تھی جتنا وہ چاند، سورج اور اپنے خدا سے کرتی تھی۔ لیکن ایک روز بچّی کہیں کھو گئی۔ کوئی نہیں جانتا تھا کہ کیسے۔ خادمہ اُس کی تلاش میں نکلی اُس نے اُسے دنیا میں ہر جگہ ڈھونڈا، ہر شہرہر ملک میں تلاش کِیا۔ حتّٰی کہ وہ فارس پہنچ گئی۔ خادمہ ایک رات پرشیا میں ایک بڑے سیاہ دریار کے کنارے کھڑے ایک بڑے سیاہ ٹاور کے پاس پہنچی۔ ٹاور کے اوپر بہت بلندی پر ایک سرخ روشنی تھی۔ پُرعقیدہ خادمہ نے اُس روشنی سے پوچھا: ’’کیا تم بتا سکتی ہو کہ میری بچّی کہاں ہے؟ وہ دس سال پہلے گم ہو گئی تھی اور مَیں اُسے تلاش کرتی پھر رہی ہوں۔‘‘ ’’اگلے دس برس اَور اُسے ڈھونڈتی رہو۔‘‘ روشنی نے جواب دیا اور غائب ہو گئی۔ لہٰذا خادمہ دس برس اَور بچّی کو روئے ارض کے تمام حصوں اور راستوں پر ڈھونڈتی پھری۔ حتّٰی کہ وہ فرانس جا نکلی۔ فرانس میں ایک عظیم اور پُرشکوہ شہر ہے، جس کا نام پیرس ہے۔ وہ اُس شہر میں پہنچ گئی۔ ایک شام وہ ایک خوبصورت باغ کی داخلہ گاہ پر کھڑی اپنی بچّی کے نہ ملنے پر رو رہی تھی۔ اُس نے اپنی آنکھیں پونچھنے کے لیے سرخ رومال نکالا کہ اُسی وقت اچانک باغ کا دروازہ کھلا اور اُس میں سے اُس کی بچّی باہر آئی۔ اُس نے اُسے دیکھا اور خوشی سے مر گئی۔ وہ کیوں مری؟ کیا اُسے اِس کا کوئی فائدہ ہوا؟ چوں کہ وہ اب بہت بوڑھی ہو گئی تھی اور اِتنی زیادہ خوشی برداشت نہیں کر پائی۔ بچّی اب جوان اور خوبصورت خاتون بن چکی ہے۔ اگر آپ کی اُس سے ملاقات ہو تو میرا سلام کہیے گا۔
:::
Authors
تراجم عالمی ادب
5 thoughts on “خادمہ”
بہت عمدہ
خوبصورت اور جاندار ترجمہ
بہت خوب
Bohat acha afsanchaa
بہت خوب