ایک بار اس دنیا میں ایک جانور پیدا ہوا۔ جب اس نے آنکھیں کھولیں تو اپنے اوپر اور اردگرد دیواریں دیکھیں۔ اُس کے سامنے لوہے کی سلاخیں تھیں جن سے ہوا اور روشنی آتی تھی۔ کیونکہ یہ جانور پنجرے میں پیدا ہوا تھا۔

وہ ایک پوشیدہ ہاتھ میں پلا بڑھا تھا۔ وہ طاقت اور خوبصورتی میں بڑھتا رہا۔ جب بھوک لگتی کھانا مل جاتا۔ جب پیاس محسوس ہوتی تو پانی لایا جاتا اور آرام کی ضرورت محسوس ہوتی تو اسےگھاس پھوس کا بنا بستر دیا جاتا جس پہ وہ لیٹتا تھا۔ اسے اپنے خوبصورت پیر چاٹنا اور سورج کی کرنوں میں ٹہلنا اچھا لگتا تھا۔ وہ پرجوش ہوکر سوچتا تھا کہ یہ سورج صرف اسی کے گھر کو روشن کرنے کے لیے ہے۔

ایک دن وہ اپنی ناختم  ہونے والی نیند سے اٹھا تو اس نے دیکھا کے پنجرے کا دروازہ کھلا ہوا تھا: جو کہ ایک غلطی سے کھل گیا تھا۔ حیرت اور خوف سے وہ ایک کونے میں دبک کے بیٹھ گیا۔ پھر آہستہ آہستہ دروازے کے پاس گیا۔وہ اس خلاف معمول خطرے سے ڈر گیا اور اسے بند کر دیتا لیکن اس کے اعضا اس کام کے لیے بے کار تھے۔ چنانچہ اس نے اپنے سر کو باہر نکالا تاکہ وہ آسمان کو پھیلتے اور مزید وسیع ہوتا دیکھے۔

وہ اپنے ٹھیے پر واپس آیا لیکن آرام کرنے کی غرض سے نہیں،اس پر نامعلوم سحر  چھا گیا۔ وہ بار بار کھلے ہوئے دروازے کے پاس جاتا،ہر بار اسے زیادہ روشنی دکھائی دیتی۔

اس کے بعد وہ ایک بار پھر روشنی کی بارش میں کھڑا ہوا؛ اس نے ایک گہری سانس لی، اس کے اعضا جیسے جکڑے گئے اور وہ ایسے ہی چلتا گیا۔

وہ دیوانہ وار دوڑتا رہا، اس بات سے غافل کہ وہ اپنے آپ کو زخمی کر رہا ہے اور اس کے بال جھڑ رہے ہیں۔وہ ہر چیز کو دیکھ اور چھو رہا تھا اور سونگھ رہا تھا۔ یہاں تک کہ اس نے اپنے ہونٹوں کو زہریلے تالاب میں یہ سوچ کر ڈال دیا کہ وہ میٹھا ہوگا۔

وہ بھوکا تھا لیکن اسے کھانا تلاش کرنا تھا کیونکہ اس کے لیے اکثر جدوجہد کرنی پڑتی ہے۔ اس سے پہلے کہ وہ پانی تک پہنچتا اس کا جسم بھاری ہورہا تھا۔اس کا حلق خشک ہوچکا تھا لیکن یہ اس کے لیے اچھا تھا۔

اسی طرح وہ جستجو، خوشی اور تکلیف میں زندہ رہا۔ جو دروازہ کھلا تھا اب بھی کھلا ہے لیکن اب پنجرہ ہمیشہ کے لیے خالی ہے۔

:::