۳؍ اکتوبر۱۹۵۳ء کو بہاولپور میں پیدا ہوئے۔بچپن بہاول پور میں گزرا، بسلسلہ ملازمت مختلف شہروں میں رہنے کا موقع ملا۔محکمہ تعلیم، کمرشل ونگ سے بطور چیف انسٹرکٹر ۲؍ اکتوبر ۲۰۱۳ء کو سبکدوش ہوئے۔ ۲۰۱۳ء میں گجرات سے ریٹائر ہونے کے بعد راولپنڈی میں قیام ہے۔  چند افسانے لکھے، جو اجرا، زیست اور تناظر میں شائع ہوئے۔ بدیسی ادب کو سمجھنے کی کوشش میں ترجمے کا رخ کیا۔ جو نقاط، تناظر، مکالمہ، اجرا اور زیست کی زینت بنے۔ حوزے سارا ماگو کے ایک ناول کا ترجمہ اکادمی ادبیات سے شائع ہو چکا ہے۔ جب کہ دو مزید ناولوں کے  تراجم زیرِ طبع ہیں۔

۰۰۰